如果要比較IP被翻拍嘅次數，
金庸出品嘅武俠小說絕對夠班
攞「最佳出勤獎」！
近日，又有一版《神鵰俠侶》
靜雞雞喺橫店開機。
喺呢個網大版《神鵰俠侶》裡，
扮演主角楊過、小龍女嘅
係趙華為與王梓蓴兩個新丁。
趙華為近年演過幾部影視作品，
之前仲主演過電影
《雪山飛狐之塞北寶藏》
但水花唔大，知名度幾乎為0。
而小龍女扮演者王梓蓴
更加係新人中嘅新人，
目前仍就讀於北京電影學院，
暫未有任何影視作品，
顏值確實唔差，但唔知演技如何。
相比冇乜人識嘅主角，
反而係「特別出演」
「特邀出演」「友情客串」等幾欄
出現咗羅嘉良、方中信、董璇、
陳紫函等眾多熟悉戲骨，
令人甚感驚喜。
羅嘉良曾在1994播出嘅
港劇版《射鵰英雄傳》中
扮演過楊康一角。
當年出演楊康嘅羅嘉良已經32歲，
與書中角色嘅年齡有差距，
曾被吐槽「最老楊康」，
不過勝在演技精湛，
成功彌補咗外形上嘅不足。
今次再次參演金庸作品，
估佢會唔會再次出演楊康。
但如果按照原書故事發展，
楊康屬於英年早逝，
並冇出現老年角色嘅戲份。
現年59歲嘅羅嘉良就算演技再好，
似乎都冇辦法「返老還童」啵。
而且睇番羅嘉良
近幾年有份參演嘅角色，
都係符合自己年紀嘅人物，
今次應該都唔會強行扮嫩嘅~
曾在2014版《神鵰俠侶》中
扮演林朝英嘅董璇，
當年一襲紅衣美艷迷人，
驚艷咗唔少觀眾。
而據路透造型，
佢今次佢似乎要扮演穆念慈？
陳紫函作為金庸武俠影視劇常客，
曾在03版《倚天屠龍記》飾演殷離，
在06版《神鵰俠侶》飾演郭芙，
在王晶版《倚天屠龍記》飾演紫衫龍王，
唔知佢今次又會解鎖乜新角色咧？
其實除咗呢個網大版，
此前由佟夢實、毛曉慧、文淇等
主演嘅電視劇《新神鵰俠侶》
殺青已久，一直等定檔。
而徐克導演塵封已久嘅
電影版《神鵰俠侶》系列三部曲
早前也傳出有望開拍嘅消息，
據博納影業當前項目顯示，
該項目也確實在籌備中。
雖然經典翻拍，總會引起爭議，
不過一代人有一代人嘅「白月光」，
其實歷代《神鵰俠侶》各有特色，
唔同風格嘅作品給觀眾
帶來咗不一樣的視覺體驗，
甚至不乏能超越經典嘅版本。
咁多部新《神鵰俠侶》在路上，
你最期待邊部？
如果讓你為翻拍版本選角，
你心中嘅最佳陣容又係點樣嘅？
歡迎留言同大家分享下吖~
資料來源：劇照、微博
網絡信息綜合整理
編輯：陳祉伶
審核：曾敏妍
簽發：駱苹
*文中圖片版權歸原作者所有，
如涉及侵權請聯繫，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）