繼王牌節目「明偵」系列、
主打女偵探嘅《漂亮的推理》、
聚焦法醫視角嘅《法醫探案團》等，
芒果TV嘅「推理綜宇宙」
又有新成員啦~
近日新上線咗一檔
輕綜藝《尋找路人「假」》
邀請嘉賓走進不同職業，
深入互動觀察、通過精密推理，
搵出藏於真實工作者中嘅「假」路人。
其實類似嘅推理遊戲喺
《快樂大本營》《天天向上》等
綜藝里都有出現過。
不過《尋找路人「假」》
選擇以觀察+體驗嘅推理視角，
一方面讓大家
由淺入深了解到唔同行業，
另一方面也讓觀眾認識到一啲
常年跑龍套嘅寶藏演員，
真係集集都有新鮮感噶！
三位常駐嘉賓嘅表現
都係節目嘅看點嚟噶~
大家都發現咗啦！
嘉賓中有觀眾好熟悉嘅
風華絕代「石榴姐」！
演得戲又玩得梗嘅苑瓊丹，
一向係好多節目喜歡用嘅
寶藏綜藝咖。
雖然「塑料普通話」
對佢嘅發揮有少少阻礙，
不過「有趣嘅靈魂」按捺不住，
輕鬆製造笑彈冇時停。
另一位MC李藝彤，
同樣係綜藝常客啦，
兼任團隊嘅「直覺擔當」
同「氣氛製造機」。
另外仲有推理綜「老熟人」文韜，
負責做全隊嘅「智商擔當」。
雖然三位MC睇落
大纜都扯唔埋，
不過化學反應就意外地出彩。
尤其係綜藝感爆燈嘅苑瓊丹
毫冇前輩架子，
撩完NPC又去撩隊友，
活力完全唔會輸畀後生仔女！
至於推理部分，
三位嘉賓也係配合默契，
「直覺派選手」李藝彤
負責提供觀察線索，
「智商擔當」文韜
則負責線索梳理同邏輯輸出。
而口才了得嘅苑瓊丹
則負責千層套話技術在線「逼供」，
問到NPC直言想「自曝」。
丹姐氣勢之強勁，
甚至讓人一度夢回
佢喺《九品芝麻官》裡嘅
「嗌交」名場面噶
整體嚟講，
《尋找路人「假」》呢檔節目，
30分鐘一集嘅輕體量中，
既有環環緊扣嘅推理part，
又有娛樂性十足嘅爆笑橋段，
都好啱做「電子榨菜」送飯噶！
資料來源：綜藝截圖、微博、豆瓣
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）