近日，TVB正式官宣
《萬千星輝頒獎典禮2022》
將於1月8日隆重舉行，
你喜歡嘅獎項候選人
有冇成功挺入決賽圈啊？
其實，從年初到年末，
一直都有唔少精彩嘅
TVB劇陪我們度過噶~
好似有《金宵大廈2》
《白色強人2》等
經典IP強勢回歸、
古裝喜劇「黑馬」《痞子殿下》
帶來無限驚喜、
四部台慶檔劇集掀熱話……
你覺得邊啲劇最值得二刷？
又最睇好哪一部劇集攞獎咧？
嚟到2023年，
TVB都有大把精彩劇集
等住上線嘅~
在早前公布嘅2023年片單中，
就推介咗8部重點劇集。
當中，《狀王之王》
《一舞傾城》
《香港人在北京》
呢三部劇集都幾有意思噶。
呢幾部劇都集結咗
大批年輕藝人與資深演員
組成新鮮搭檔，
又分別邀請到好多
好耐冇見嘅「老友」驚喜加盟。
同時，劇集主創都在今年
組團北上，輾轉多地取景，
可謂有情懷又有新意噶~
一起嚟look look
佢哋究竟有咩睇頭啦！
港人演繹港味煙火
《香港人在北京》
由歌手吳若希 ，
首次擔綱電視劇女一，
搭檔「視帝」陳展鵬主演。
劇組輾轉寧波、北京
以及香港三個城市，
演繹港人北上打拼嘅
一些事、一些情。
故事講述男主角（陳展鵬飾）
喺香港將事業打理到風生水起
但就被派遣到北京駐點。
於是佢帶埋太太（吳若希飾）
開啟北漂旅程，
一心諗住北上嘆世界，
點知不斷被現實擊倒。
秉承港人「打不死」嘅精神，
男、女主唔單止結識咗
一班志同道合嘅夥伴，
一起重新振作、不斷拼搏，
終於又再闖出一片新天地。
呢部劇集齊香港新舊兩代演員，
青春無敵嘅新人養眼又吸睛，
演技過人嘅資深演員
有實力、夠殺食。
其中更有梁漢文、麥長青等
好耐冇喺TVB劇里見到嘅
「老朋友」加盟添。
強大陣容加上
貼近生活嘅題材，
由香港人本色演出嘅
《香港人在北京》，
定能還原正宗港劇嘅煙火氣。
夜色中的「美麗戰場」
《一舞傾城》被稱為
港版《華燈初上》
故事背景就係
上世紀八九十年代嘅香港。
該劇講述一班
來自唔同階層嘅女仔，
喺燈紅酒綠嘅夜店裡
成為「抱團取暖」嘅好姊妹。
但當佢哋之間產生
名、利、愛、恨嘅衝突，
便由情同姐妹變成各懷鬼胎。
似乎又有一個勾心鬥角嘅
「美麗戰場」即將開啟，
你期唔期待咧？
該劇係由姚子羚、蔡潔，
以及陳法蓉等主演，
近年，姚子羚同蔡潔
在多部港劇中都表現亮眼，
兩人更先後在《拳王》、
《飛虎3之壯志英雄》等
作品中有過合作。
至於久未露面嘅陳法蓉，
數月前受邀擔任港姐評委嘅佢，
在決賽夜當晚狀態大勇，
顏值、氣質以及儀態
簡直可以碾壓一班年輕佳麗。
如今久違再拍TVB劇，
大家都好期待
佢在演技上嘅新突破！
二搭CP斷奇案
當年，由張達明主演嘅
《狀王宋世傑》曾風靡一時。
如今為致敬經典，
佢難得地再次「出山」，
擔任監製並參演
新劇《狀王之王》。
呢部劇講嘅係
狀師宋世傑同朋友，
組建咗警惡懲奸小分隊，
破解一宗宗奇案、冤案。
辦案過程中，
人性嘅複雜暴露無遺，
而宋世傑嘅正義感
亦逐漸被激發。
幽靈新娘、蜘蛛精殺人、
滅門縱火等單元名，
駭人聽聞嘅同時
也勾起觀眾嘅好奇心，
團隊耗時多月
於橫店影視城取景拍攝，
相信質感唔會差。
值得一提嘅係，
出演女主角嘅姚子羚
係繼《好心作怪》後，
二搭王浩信再做CP啵。
該劇仲有林子聰、金剛等
多位搞笑能手參演，
好耐冇拍TVB劇嘅陳浩民
都有份驚喜客串，
齋睇陣容已經非常吸引。
新年到，新戲亦陸續有嚟！
呢啲重點劇集
邊部劇最讓你期待？
希望儘快劇集嘅定檔消息啦！
MORE
今日娛樂看點
姚焯菲宣布暫別歌迷
歌手姚焯菲（Chantel）
近日於活動上承認
有計劃出國留學，
將會暫別歌迷一段時間
不過「暫時未知幾時走」。
樊少皇賈曉疑婚變？
昨日，JJ賈曉晨曬出
和樊少皇的合照
賀新年兼「結婚七周年」。
但有網友發現樊少皇
轉發並配文「我們要離婚了」，
隨後又幾次編輯改文案，
呢次係玩梗定係預告「婚變」？
《最強大腦10》回歸
老綜藝《最強大腦》
再度開啟「腦力江湖」，
新一輯嘉賓中，
有「水哥」王昱珩強勢回歸，
仲有龐博、郭麒麟、
王珞丹等驚喜加盟。
資料來源：《可樂生活》
劇照、微博、豆瓣
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）