又有新節目睇！
2023年首檔慢綜藝
《我們的客棧》今晚上線啦~
據官方資料介紹，
節目將集結一班明星嘉賓
搭夥創業、經營客棧，
並親手打造有機農場，
自給自足自樂。
節目模式聽落似乎同
幾年前嘅《親愛的客棧》
有幾分雷同~
不過《我們的客棧》
就把自己定義為
大型時空情景體驗類綜藝，
將會打造「時光客棧元宇宙」，
高度復原特定年代
或著影視作品中的場景。
好似首期路透中就
復刻咗經典老劇
《武林外傳》裡的同福客棧，
打「情懷牌」蹭熱度之餘，
又幾契合客棧節目主題嘅~
除咗設定幾有意思，
嘉賓方面都頗有驚喜！
關注度最高嘅自然係
久未營業的唐嫣。
近年專心照顧家庭嘅佢
真係好耐冇認真營業了，
今次難得搵番少少事業心
出嚟拍節目，
又係首度常駐綜藝，
大家都超級期待。
新上線的宣傳片中，
唐嫣再度扮上6年前
演過嘅角色「李未央」，
狀態keep得相當唔錯。
節目中COS嘅佟湘玉，
扮相也很驚艷。
之前有觀眾擔心
唔多上綜藝節目嘅唐嫣
綜藝感可能會差啲啲哦~
但糖糖就表示
「自己已經夠好笑」，
係真係假就等節目揭分曉啦！
既然都用咗《武林外傳》個景
節目又點會放過
演過呢出劇嘅人咧~
姚晨、沙溢同框重聚
就已經夠嗮有情懷，
再扮上當年嘅look，
簡直係「回憶殺」buff疊滿！
不過沙溢呢副
面圓圓、肚凸凸嘅樣，
同當年嘅「軍藝校草」
已經「胖」若兩人，
多少有啲影響
大家嘅感動情緒咯。
反觀姚晨就keep幾好，
十幾年都冇變過樣。
常駐嘉賓中仲有位
00後小花莊達菲，
此前佢同姚晨合作過電視劇，
在《搖滾狂花》中演「母女」。
今次「母女」再同框，
唔知又會帶來
怎樣的故事延續？
仲有作為音樂人嘅張杰
難得常駐一次非音綜，
不過睇預告片段，
佢似乎都係負責「音樂擔當」咯。
玩梗達人楊迪嘅加盟
必定能讓節目嘅
趣味度直線飆升。
仲有「靚仔擔當」張新成，
之前喺《明星大偵探》中
都表現得幾有綜藝感嘅，
不過作為全場「最佳勞動力」，
唔知喺節目中
會唔會變成「團欺」咧？
well~節目效果好唔好，
都係要睇今晚播出嘅正片啦，
邊個嘉賓最令你歡喜？
歡迎留言同大家分享下吖~
資料來源：綜藝截圖、微博、豆瓣
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）