藝人林峯與老婆張馨月及囡囡「格格」一家三口生活幸福，早前張馨月做「跟得老婆」，帶埋囡囡回港陪伴開工嘅老公，並趁空檔時不時全家出動享天倫，昨日張馨月喺社交網分享新相，見佢哋去到山頂睇海景，兩公婆輪流抱住囡囡，相當溫馨，之後佢哋再去到超市掃貨，見1歲多大嘅「格格」發育良好，已經有兩層貨架咁高，佢仲手執薯片，似乎扭爸爸買零食，非常可愛。另外，林峯近日宣傳新歌時透露，因疫情令佢同老婆嘅婚禮一直延期，希望待疫情緩和於自己及老婆嘅鄉下舉行兩場婚禮，更直言有計劃今再追第二胎，而今次張馨月甫出日常家庭照，即引起網民熱議，估計佢哋正在備孕，期待早日官宣好消息。
免責聲明：圖文轉自看港劇，文中觀點僅代表作者觀點，不代表本號觀點，版權歸作者所有，如有侵權，請聯繫刪除。