《蒼蘭訣》正式開播，
暑假檔古偶大戰又添一員！
雖然劇集熱度暫時落後於
早前開播嘅《沉香如屑》，
不過靈魂互換的有趣設定+
比較新鮮嘅主角搭配，
都吸引咗幾多人追睇噶。
其中友情客串嘅李一桐
造型驚艷極吸睛，
劇中演繹也好評如潮。
出場戲份短短几分鐘，
相關話題就壓倒一眾主演，
登上咗熱搜高位。
在一片贊聲中，
有唔少網友更加驚訝：
演慣女主角嘅李一桐，
竟然要為後浪小花作配了？
不過就有粉絲出嚟挽尊：
友情出演≠作配，
李一桐飾演嘅司命，
其實係出自同個作者嘅
另一部小說的主角，
可能係為日後搞宣傳做鋪墊，
所以唔算資源降級嘅。
Anyway~
李一桐嘅資源一直都唔差嘎，
2015年出道嘅第一部戲，
就係被於正欽點主演
玄幻網劇《半妖傾城》，
北舞畢業嘅李一桐
在表演上並唔算科班出身，
但演技都唔算太拉胯。
出道未夠兩年，
李一桐已經主演大IP
2017版《射鵰英雄傳》，
咪覺得翻拍一定係爛劇啵，
呢一版「射鵰」名氣唔算大，
但口碑都幾好噶，
豆瓣評分更超越咗
胡歌主演嘅08版「射鵰」。
李一桐憑黃蓉一角
仲獲得咗中國電視劇品質盛典
「年度新銳劇星獎」。
有獎傍身嘅小姐姐，
此後幾年就開啟咗
無縫入組嘅勞模模式，
而且幾乎部部都擔正，
《媚者無疆》裡的殺手晚媚、《鶴唳華亭》裡的陸文昔、
《特戰榮耀》裡的艾千雪…
同佢搭戲嘅男主角有楊洋、
胡一天等流量小鮮肉、
張譯、羅晉等實力中生，
甚至仲有陳建斌呢種老戲骨。
當中唔係部部度係精品，
但高口碑作品還是占多數：
高分古裝劇《鶴唳華亭》
好評如潮，質感出彩；
女性題材《了不起的女孩》
「金桐玉女」CP也曾經火過。
但資源、演技、顏值，
樣樣不缺嘅李一桐
在好長一段時間都陷入咗
戲紅人唔紅嘅怪圈圈裡面。
都已經演咗十幾個女主角啦，
佢離爆紅始終差啖氣，
近年，佢更一度被吐槽
「不旺劇」、「拖累對手」……
李一桐都唯有自我調侃
兼認領「體寒」屬性。
well~雖然跟同齡小花比起，
李一桐似乎一直不溫不火，
但作為演員，
佢嘅演技、作品都唔差，
都係相當有競爭力嘅。
今次意外出圈
也從另一角度證明
佢積累的路人緣不容小覷，
希望小姐姐早日
遇上一個令佢爆紅的角色~
資料來源：劇照、微博、
網絡信息綜合整理
編輯：陳祉伶
審核：曾敏妍
簽發：駱苹
*文中圖片版權歸原作者所有，
如涉及侵權請聯繫，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）