在內地發展多年的王祖藍最近接受港台節目主持周振基訪問，從小在屋邨長大的王祖藍，提到昔日就讀演藝學院時，因為父親患絕症，要做兼職幫補家計外，更有兩年時間要吃11蚊碟頭飯度日，令人相當心酸。
王祖藍自小在馬鞍山恆安邨長大，與容祖兒和黃翠如同邨，更是小學校友：「我同黃翠如家姐、容祖兒系同一班，大家都系屋邨出身，好平，千零蚊租，由邨校一直到中學，其實都冇諂過自己入呢行。」
之後王祖藍中學畢業後，入讀演藝學院，他自嘲說：「因為唔系好讀到書，又因為細細粒，冇人留意，追唔到女仔，唯有上舞台先令人哋睇返自己，彌補自卑嘅缺陷。 入咗演藝學院之後，亦真系愛上演戲、唱歌。」
不過王祖藍讀書時因為爸爸身患絕症，家境清貧而過得非常辛酸，最後憑藉傷殘津貼的援助渡過難關：「有兩年爸爸患絕症，有一年時間佢要做化療唔開得工，嗰陣政府好好，申請到綜緩同類似傷殘津貼。 嗰陣媽媽又會去樓下屋邨茶餐廳做幾個鍾兼職，我系full grant full loan（全額學費資助及低息生活貨款），所有錢都系畀曬屋企分配，自己嘅兼職就希望養到自己。」
後來父親離世，人壽保險金被親戚借走，卻有去無還，結果王祖藍為家計轉做幕前，棄做導演。
畢業後王祖藍要償還學費，要做兼職幫補家用：「記得嗰陣有幫港台做兒童節目、寫廣播劇，幫主題樂園寫音樂劇歌詞，又會出去教班、做嚇咖喱啡，乜嘢都做，能夠搵錢嘅都會。」
慶幸當時在港台做兼職，令他有廉價碟頭飯飽肚：「兼職香港電台，員工優惠救咗我哋好多日子，11蚊碟頭飯，每日就靠11蚊嘅干炒牛河、免治牛肉飯呢啲，咁樣就好開心，好飽㗎喇！」
王祖藍北上發展多年，是最早打入內地綜藝市場的香港藝人之一，在2014年憑藉《奔跑吧兄弟》一炮而紅。他對內地市場亦有一番見解：「我睇住成個轉變，最初好多時都系參考香港，佢搵得我上去都系可能當年內地冇專業模仿嘅人、綜藝或遊戲競技類嘅人，所以當年好希望我哋呢啲有經驗嘅港台藝人入去，刺激嚇佢哋節目。」
不過內地影視進步神速：「5年內佢哋已經發展得好成熟，我2014、2015年拍《跑男》嘅時候，就系成個國家綜藝最鼎盛嘅時候，嗰陣已經好豐富、百花齊放。 內地成個綜藝市場已經幾乎全部由內地人去支撐，變咗新一代香港藝人入去已經有困難。」
王祖藍於訪問中亦提到香港電視業發展，他表示今年最開心是「香港人睇返電視」，王祖藍對香港電視業有三個目標，希望不同電視台百花齊放：「我覺得大家大方啲，除咗我哋之外，無論咩電視台，成個大環境收視都高咗，其實應該要百花齊放。」他未來還有兩大目標，包括改革網絡與電視互動、為香港藝人打開內地市場等。
訪問中主持不斷盛讚王祖藍好靚仔，問到他當初如何追到李亞男，王祖藍笑說：「佢同你一樣都系要配眼鏡，佢同我講竟然覺得我靚仔，我自己都覺得冇乜可能，情人眼裡出西施。」
王祖藍由邨屋住到上海豪宅，一家四口生活美滿，絕對是近年演藝圈闖內地最成功的例子之一。