近年主力北上發展嘅胡杏兒
去年參加完《乘風破浪》
過咗下唱跳癮後，
就火速回歸演員身份
專心入組拍戲。
對比起在TVB受力捧嘅時期，
杏兒呢幾年其實唔算高產，
一方面內地資源競爭大，
而另一方面，
已為人妻、人母嘅胡杏兒
分咗好多時間去照顧家庭。
不過事業心頗重嘅佢
一直都冇放棄演藝事業，
當年陀住一胎拍完
《那年花開月正圓》，
戲中不乏淋雨、拉扯等
需要體力的戲份。
後來杏兒在錄製綜藝
《演員請就位2》期間
發現自己懷上三胎，
因為唔想受任何優待，
就瞞住節目組，
不但順利錄完全程，
更憑藉多個精彩角色嘅演繹
拿下年度最佳演員。
生完三個BB後，
杏兒每逢營業依然狀態大勇，
可塑性高+演技唔錯嘅佢
也頗受各種劇組青睞。
而現實中有咗三個寶貝嘅
胡杏兒近年在影視作品中
也頻頻選擇貼合自己
經歷和年紀嘅「媽咪」角色。
好似去年佢在
《獅子山下的故事》中
飾演堅毅又溫柔嘅梁歡，
從18歲演到65歲，
在妻子、母親、店主等
多重身份里展現「獅子山精神」。
在《親愛的生命》中，
作為三番外配角嘅杏兒，
在劇中戲份唔算多，
但佢飾演嘅黃韻玲主任
前期在職場上嘅雷厲風行、
後來勇敢反抗家暴嘅一面，
都讓觀眾印象深刻。
近日，胡杏兒又有
新作品同大家見面啦~
新劇《今生也是第一次》中，
胡杏兒孖王子文、唐藝昕演繹
三個不同年代嘅新手媽媽，
在螢屏上解鎖初次坐月嘅體驗。
劇集通過三線並行嘅敘事
用較為輕喜、逗趣嘅畫風
講述性格、經歷大不相同嘅
三代女性在初次
成為媽咪後嘅轉變與成長。
雖然係又雙叒演媽咪角色，
不過杏兒今次嘅新劇角色
又有新轉變
從事事依賴丈夫嘅賢妻良母
轉做湊B創業兩不誤嘅「戴老闆」，
前後會有較大反差感，
成長line相當有發揮空間。
此前，曾有觀眾指出
胡杏兒在《親愛的生命》中
採用後期配音有啲出戲。
今次在新劇中，
杏兒就用番自己嘅原聲台詞，
普通話發音都幾標準，
唔少網友都表示很驚喜。
而杏兒在新劇中嘅短髮look
又同佢在《衝上雲霄2》中
扮演嘅「顧夏晨」十分相似，
不過從神情、細節仍能
分出兩個角色大不相同嘅。
主打女性題材嘅國產劇
近年來層出不窮，
但真正佳作卻只有少數，
齋係去年就有唔少
女性劇集高開低走，
令觀眾大失所望。
唔知兔年第一部都市女性情感劇
會唔會爭番啖氣，
為今年待播的「她劇集」
開番個好頭咧？
資料來源：劇照、微博、豆瓣
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）