TVB即將開拍新劇
《NEWS新聞女王》（暫名），
該劇由知名導演兼監製
鍾澍佳親自拍攝，
並邀得佘詩曼回「娘家」拍劇，
未開機就已經備受關注。
月前，新劇放料落實
將於今年三月中下旬開拍，
仲公布咗最新嘅演員陣容↓
不過最近，
主演名單再有新變動！
除咗原先落實嘅佘詩曼、
馬國明、高海寧、何依婷等，
已離巢多時嘅李施嬅
也將回歸出演重要角色。
李施嬅同阿佘早年
曾合作過《東山飄雨西關晴》
《宮心計》《公主嫁到》等劇集。
不過隨住大家各有各發展，
兩人都好多年冇碰過頭了。
今次難得再合作，
大家都好期待
佢哋會擦出新火花吖~
聽聞二位老拍檔回巢拍新劇，
陳山聰在受訪時都表示好興奮，
仲話只要能排到期，
就算只演得一場戲
都想同佢哋去拍。
話時話，
如果安排到感情戲嘅話，
唔知山聰最想搭邊位老友做CP咧？
不如乾脆再現Sophia
齊齊做姊妹吧
據悉，之前落實出演
男主角嘅馬國明，
在戲中會專同阿佘斗，
似係演職場上嘅死對頭，
而非大家猜測嘅情侶。
反而李施嬅在劇中嘅角色
係馬國明角色嘅前度女友，
但暫時未知呢兩個角色
會否有舊情復燃嘅戲碼。
李施嬅同馬國明
都係合作過好多戲嘅老拍檔啦，
包括《少年四大名捕》
《鐵馬尋橋》《寒山潛龍》等，
兩人仲係經常演CP添。
順便一提，
連陳曉（就是你知道的嗰個陳曉）
都曾經發文表示過
自己係佢哋嘅CP粉噶
至於在新劇中，
與佘詩曼有感情線嘅角色，
原來係新加入的譚俊彥，
呢個組合又真係幾新鮮嘅，
不過效果係驚定係喜
都真係要到時睇過先知咯。
監製鍾澍佳日前受訪時
已大爆部分角色設定，
仲透露劇中的新聞個案
還需要找到不少演員演出，
而阿佘係劇中重要一角，
劇情重點會放在
電視台新聞部女主播之間嘅
勾心鬥角及權力鬥爭。
又係TVB最拿手的「宮斗」型戲碼
你對呢個新劇感興趣嗎？
呢個演員新陣容令你期待嗎？
歡迎留言同我哋分享吖~
MORE
今日娛樂看點
陳貝兒現身元宵晚會錄製現場
央視《2023年元宵晚會》
將在聽晚同大家過節！
目前節目單與嘉賓陣容尚未公布，
根據路透拍到嘅嘉賓
有周深、毛不易、魏晨等，
陳貝兒也發出現場自拍相，
唔知佢係咪有份主持咧？
三大「影帝」新片定檔3月
由鄭保瑞監製、黃慶勛執導，
郭富城、任達華、林家棟
三位「影帝」出演嘅
港產犯罪動作電影《斷網》
宣布將於3月3日上映，
齋睇陣容已經超期待~
唐嫣聽到羅晉名字心率升高
唐嫣在節目中被問到
關於合作過的男演員排名時，
一聽到老公羅晉嗰名，
笑到見牙唔見眼，
心率直線飆升，
暗戳戳的放閃甜到漏！
資料來源：劇照、微博、豆瓣
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）