最近吳卓羲&林峯難得合作
推出佢哋嘅第一隻正式合唱單曲
《友情未完》
呢首歌唔單止係峯少
「完與未完」系列嘅第三篇
更係見證佢哋25年友情萬歲嘅
乾杯之作
兩位美男子溫柔嘅歌聲
唱出歲月悠長不敵友情無價
佢兩兄弟感情深厚
係全世界都知嘎啦
早前佢哋一起「披荊斬棘」
同框嘅瞬間觀眾就已經
夢回《大唐雙龍傳》
雖然佢哋依家
一個已經升呢為人父
另一位依然單身快樂
但都經歷咗唔少風風雨雨
兩位嘅感情同顏值都一樣冇變
打風都打唔甩嗰種
喺佢哋感情不斷升溫之際
有網友就出聲
話呢個「組合」
點解又少咗黃宗澤嘅？
話說林峯、吳卓羲、黃宗澤三人
雖然從來未試過合體演出作品
但佢哋出道經歷相似
演戲水平又相當
大家好中意睇佢哋三個埋堆
雖然佢哋都唔止一次話
好想「三兄弟」一起合作
but結果……大家仲未見到有咯
見到吳卓羲同黃宗澤合體
大家就必定cue到林峯
最近林峯同吳卓羲合作得密
大家就開始戥黃宗澤唔抵啦
《披荊斬棘》冇摻Bosco玩
《大灣區的夜》又冇call佢
今次合作「友情之歌」又冇佢份
前幾日有網友喺香港街頭
偶遇到正拍緊時尚大片嘅
吳卓羲&林峯
阿Ron條潮褲成個垃圾袋咁
引發大家嘅熱議添
當然啦
呢趟垃圾袋大片並冇Bosco份
所以大家不禁感嘆
此時此刻
阿Ron同峯少「卿卿我我」
落單宗澤就喊暈
喺自己個「波記廚房」入面
～well～
佢哋三兄弟嘅友情
唔系非要用一首歌
或者一個綜藝去證明嘅
佢哋每次合體
都會互懟、互相吐槽
如果唔係關係好到情比金堅
就唔會玩得咁放的開啦
有時候字字句句其實都係
可以兩肋插刀嘅兄弟之情
成日有人話「談錢傷感情」
但講到借錢問題嘅時候
佢哋居然不約而同咁話
可以搵林峯借錢
仲可以借咗唔使還嗰種
相信大家都feel到
佢哋嘅情份同默契啦
如果佢哋三個有機會合體
勢必超級精彩感（gao）人（xiao）
信息來源：微博、劇照、海報等
網絡資料綜合整理
編輯：郭瑋
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下的粵語生活類報紙，廣東省唯一一份粵語刊物。廣州至潮至IN的吃喝玩樂，灣區潮流資訊風向，統統喺曬度！
官方微信號：靚仔可樂君（handsomecolor）