黃浩然近期頻頻開工
錯略算都有好幾部存貨
現播嘅《疊影狙擊》
有份成為TVB台慶劇
佢都有份參演嘎
最近幾部戲
佢就忙於遊走於
幾pair「情侶」之間
做「電燈膽」啵
喺《疊影狙擊》中
佢「插足」黃宗澤和周秀娜
三人劇里劇外都打得火熱
黃浩然接受採訪時
大讚娜姐一人分飾兩角
又心疼娜姐搞到周身傷
溫柔作風夠嗮紳士
喺劇中佢飾演嘅塗文諾
系個多金總裁、狂追娜姐
又送項鍊又豪擲千金
最緊要對娜姐特別溫柔
連鍾意Bosco嘅網友
都直言要反水
三人直播宣傳劇集
點知又變成「修羅場」
兩位男士被角色附身
對娜姐大講肉麻情話
一個詐嬌安慰叫「寶貝」
一個霸氣關心搵「兇手」
笑到娜姐眼淚直飆
如果系你嘅話會揀邊位？
//////
後來，黃浩然又得到機會
可以同娜姐再次合作啵
講嘅係佢哋嘅新電影《尾隨》
9月已經喺大馬開機啦
但呢次佢哋就冇太多對手戲
周秀娜會同古天樂演夫妻
黃浩然就挑戰演搞怪古惑仔
雖然冇得同娜姐拖手仔
不過就可以
對老闆古天樂喐手喐腳
喺大馬
黃浩然演戲時專心發揮
休息時就去四圍嘆美食
Po相曬出大大碗海鮮咖喱面
日子過得有滋有味
雖然玩得嗨
但佢心心念念另一pair
林峯和佘詩曼
早前佢哋都喺大馬
拍《家族榮耀之繼承者》
據黃浩然透露
喺劇中佘詩曼會飾演佢
「對手嘅女朋友」
咁講嘅話，佢應該又係做
有情感冇結果嘅男二號
啱殺青冇幾日
黃浩然就難忍相思之情
大曬合照「求關注」
仲話要同佢哋絕交
引得阿佘來撒嬌
叫佢「一定要掛住佢哋」
//////
拍劇之餘耍花槍
都係為咗宣傳啫
大家都知黃浩然嘅「最愛」
係老婆莫家嘉
中秋夜佢曬出同老婆仔
手拖手追月嘅靚相
兩人睇落十足熱戀嘅後生仔
莫家嘉早前上節目《煮東煮西》
老拍檔黃翠如就講起
黃浩然係「愛妻號」嘅種種證據
話浩然手機號係「高級秘密」
唔會輕易俾女藝人
睇來有聯繫嘅都係老友記啦
而佢喺大馬拍戲
老婆好似一直有陪住
曬相都有曬出「太太視角」
一唔覺意就會俾閃到啦！
黃浩然都休息咗一排啦
直到近排先出來密密接戲
未來會成日喺劇集見到佢
大家中唔中意睇佢演戲呢？
信息來源：微博、劇照等
網絡資料綜合整理
編輯：黃譯萱
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下的粵語生活類報紙，廣東省唯一一份粵語刊物。廣州至潮至IN的吃喝玩樂，灣區潮流資訊風向，統統喺曬度！
官方微信號：靚仔可樂君（handsomecolor）