尋晚嘅《法言人》
有我哋鴻鈞仔客串嘅
淇淇冧唱《世上只有》一幕
真係睇喊做好多人
生命的脆弱、命運之無常
母愛嘅偉大、囡囡好堅強
實現夢想喜悅、失去至親無奈
喺呢短短兩集裡面
感動咗大家
呢個案例中飾演「堅強媽咪」
Macy姐嘅康華
其實已經年過半百
但依然樣靚身材正
狀態勁fit
出場時嘅空中瑜伽畫面
索爆嘅身型&大姐大氣場
令好多觀眾瞬間就被佢吸引
▓▓▓▓▓▓▓▓▓▓▓░░░░努力加載中……
其實今次喺《法言人》中
康華都算係二搭我哋鴻鈞仔啦
事關喺新版嘅《十月初五的月光》中
康華都有份出演
「祝君好」親生爸爸的現任太太
雖然佢同「初哥哥」就冇太多對手戲
但就因為誤會而怒摑「祝君好」
大家對呢個角色都有深刻印象
唔講唔知大家記唔記得
其實康華喺Chilam版嘅《十月初五》中
係飾演「金勝」的苦命媽媽嘅
康華成為貫穿兩部
《十月初五的月光》嘅演員
雖然時隔20+年
但歲月好似冇喺佢面上
留低太多痕跡哦
喺第一部《金宵大廈》中
康華就飾演賓館老闆娘
係個唔會老嘅神秘靚女
照咁睇
佢戲裡、戲外都狀態勁好
係名副其實嘅「美魔女」啦
大家可能唔知道
康華曾經參選過
1994年嗰屆嘅香港小姐
不過最終冇入圍三甲
選美後簽約TVB
就被安排出演好多「狐狸精」類角色
大概就係因為覺得佢嘅樣夠美艷
喺媒體採訪佢嘅時候
康華話自己依然有個主角夢
但如果遇到有發揮嘅角色
佢都唔會介意做配角
佢嘅演技其實一直都被看好
希望多啲人發掘到佢
俾啲機會佢發揮所長
大家就可以睇到佢更多作品啦
MORE
今日娛樂看點
陳家樂「嫌」連詩雅啲姊妹太索
下周一連詩雅&陳家樂
就要舉行婚禮啦
最近佢哋曬出姊妹、兄弟團嘅相
家樂配文話
姊妹們咁索
要自己啲兄弟情何以堪
「歌神」都驚上台
張學友正在準備自己嘅巡演
佢謙虛透露自己都驚上台
所以每周堅持練歌6日
坦言自己有啲歌已經唱唔到了
C位有啲㶧腳
張子楓出席電影節紅毯
企位合影嘅時候
發現自己企咗中間C位
即刻急急腳跑開將位置讓俾前輩
網友笑稱:個C位好似會㶧腳咁!
資料來源:微博、豆瓣
網絡信息綜合整理
編輯:郭瑋
審核:曾敏妍
簽發:駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
官方微信號:靚仔可樂君(handsomecolor)