早前
優酷發布「2024港劇片單」
多部重頭劇讓人期待
不過騰訊視頻都唔肯執輸
今年將放出4套重頭劇
近日
喺香港影視娛樂博覽會上
胡定欣、黎耀祥現身
為《巾幗梟雄之懸崖》宣傳
雖然沒有預告片
但已經可以睇到
主角嘅定妝相啦
胡定欣烈焰紅唇
再現商界女強人風範
而黎耀祥嘅造型
睇落就俾之前劇集更富貴
因為呢次
黎耀祥飾演嘅「柴十七」
係一位商界奇才
性格同經歷同第一部嘅「柴九」
都會有非常大嘅唔同
而且呢次嘅編審、監製
都用翻第一、二部嘅人馬
黎耀祥都盛讚話
呢部劇係系列中最精彩嘅一部
相信大家都好期待!
//////
其實喺上年年底
呢部劇就已經殺青
製作只用咗兩個半月時間
兩位主演喺宣傳活動時
一再大呻劇集好難演
呢部劇最大嘅困難
應該係日程又趕又密
胡定欣嘅戲份好足
佢透露自己占戲400場
因為要從最早拍到最夜
仲俾大家形容為「頂天立地」
呢次拍攝嘅難度
亦肉眼可見嘅
拍到第3日胡定欣
就已經開始跌磅
到最終拍完套劇
佢體重已經跌破50kg
好耐都冇試過咁輕稱啦~
胡定欣呢次拍戲印象深刻
唔單要克服趕通告嘅奔波
更要理解呢個複雜嘅角色
所以佢亦稱呢部劇為佢嘅
「情意結」
而黎耀祥本身為劇集角色
入組前就減重十幾磅
開拍之後
一直食口味清淡嘅飯菜
仲日日同時間競賽
佢都直言
拍呢部劇自己體力透支
堅定咗自己要減產嘅諗法
預計會堅持「一年一戲」
再次拍劇之前
黎耀祥都嘗試轉型
去搵下賺錢新路數
例如之前有幫TVB帶貨
之後佢就想參演短劇
//////
呢次拍劇雖然好攰
但兩人仍然擦出新嘅「愛火花」
相比之前年輕人嘅「乾柴烈火」
呢一部嘅感情戲就更為複雜
俾人細水長流嘅感覺
胡定欣更大讚對方
記憶力超好,學到好多嘢
兩人從一、二部就有合作
又係《法證先鋒3》做夫妻
喺《名門暗戰》糾纏不清
連喺兩部「太監劇」中
二人都有一段love line
講起身就發現
佢哋已經第八次拍檔演情侶
在劇中真係好有緣分
唔知胡定欣同黎耀祥
演嘅咁多款「情人」
你最中意邊出劇嘅邊一pair呢?
資料來源:微博等
網絡綜合信息整理
編輯:黃譯萱
審核:曾敏妍
簽發:駱苹
【微店】羊晚文創線上商店
【郵政】中國郵政微郵局
【淘寶】羊晚生活館
都可以訂閱《可樂生活》
▼▼▼
>>>
一次過get可樂報詳細內容
羊城晚報報業集團旗下的粵語生活類報紙,廣東省唯一一份粵語刊物。廣州至潮至IN的吃喝玩樂,灣區潮流資訊風向,統統喺曬度!
微信公眾號、微博、微信視頻號、喜馬拉雅@可樂生活Color
嘩哩嘩哩、小紅書 @Color班馬
抖音@可樂生活
官方商務合作QQ:1902182069(請註明來意)
官方微信號:靚仔可樂君(handsomecolor)(請註明來意)