樟(章)坑話，屬於泰順三大方言閩方言中的一種小方言，又不同於蠻講話；由於毗鄰閩之福鼎柘榮，所操方言接近福鼎—柘榮話，分布於現仕陽鎮南緣，即原章坑鄉和原萬排鄉一帶，使用人口約一萬。
樟坑話講故事「三個和尚無水食」
撰文/楊明爽
從前有蜀座山，山上有蜀座廟，廟裏有蜀個和尚囝。伊每工擔水、念經、敲木魚，乞菩薩案桌上的水瓶加水，暝晡頭不乞老鼠來偷乇食，生活過得安穩。
有蜀工，和尚囝在半山腰碰到蜀個成痧的瘦和尚，和尚囝扶瘦和尚轉廟裹歇骹，掇櫈乞伊坐，用力在伊其額頭門作痧，故掇一碗水乞伊食，瘦和尚食光了水，慢慢好轉來，當工就在廟裏歇暝。這瘦和尚是定蟲，伓去擔水，半缸水都食光光。
後尾，和尚囝叫伊去擔水，瘦和尚覺得蜀個儂去擔水恰吃虧，儥甘願去，硬要和尚囝做堆去扛水。
兩個儂掏扁擔去扛水，扁擔穿過水桶其耳耳，兩個儂頭尾扛，水桶掛扁擔中央心。扛來其水，兩個儂正正好食。
後尾，又來蜀個肥和尚，仱廟裏就有三個和尚了。肥和尚也想食水，但是水缸干焦焦，蜀滴水都無，伊就喊和尚囝和瘦和尚去扛水，這兩個都伓想去。
肥和尚無辦法，就呆自蜀個儂去擔水食。擔轉來其水，呆自蜀個儂食，蜀滴都無留乞許兩個和尚。
最後，這三個和尚都伓去擔水食了，都驚自已吃虧，儥合算，仱三個儂都無水食囉。
齊齊各儂念各儂其經，各儂敲各儂其木魚，菩薩面頭前其淨水瓶也無人加水，花草都焉了。
暝晡頭老鼠來偷乇食，也無儂管，老鼠其膽也悗來悗大，暝暝來偷食乇，結果有蜀工暝晡頭，老鼠偷食乇碰倒燭斗，火燒起來，這三個和尚一看不是勞勢，齊齊去擔水，才將火搣待，廟差仂囝就燒待了。
三個和尚無水食其故事告訴我們，一起做事際，各儂拍各儂的算盤，心儥齊，乜乇事際也做儥成。齊齊蜀條心，再大其事際也做得成。
編輯 高山