陽光明媚、春暖花開，
又到咗適合露營嘅時節！
近年來，
露營成為大家嘅度假新選擇，
「露營風」也刮進各種節目中。
去年，愛奇藝就率先
推出咗一檔主打
戶外露營體驗嘅真人秀
《一起露營吧》
由陳偉霆、楊迪、黃雅莉、
王子異、鍾楚曦、章若楠
六位常駐嘉賓組成「露營家族」
帶大家打卡
來自全國各地的潮流營地。
不僅帶觀眾睇到
大自然的美麗風景，
仲科普咗好多露營幹貨！
眼見節目熱度都唔錯，
第二季速速安排上啦~
新一季《一起露營吧》
於日前已經開始錄製啦，
在粉絲嘅密切追蹤下，
連日來都有唔少路透釋出。
不過呢啲非官方嘅高糊路透
又點滿足到好奇嘅觀眾咧？
加上網傳嘅嘉賓名單
流傳咗好幾個版本，
唔少網友都好心急
想知道最終嘅嘉賓陣容咯~
正當大家四圍搲料嘅時候，
今期參加錄製節目嘅陳偉霆
就直接曬出咗大合照
幫節目組提前自曝嘉賓陣容，
嚇到其他成員紛紛表示：
「唔係話要等節目組官宣嗎？
這算不算係偷跑物料啊
節目啱啱開錄
就被自家嘉賓玩「踢爆」，
well~
唔知係咪節目組有心安排？
反正觀眾對呢波「福利」
就幾滿意嘅~哈哈~
新一季《一起露營吧》中，
「露營家族」迎來「大換血」，
第一輯嘅老成員
僅留下陳偉霆同楊迪。
自帶熱度嘅陳偉霆
兼具超強責任心和綜藝感
成日可以讓大家留下深刻印象，
喺第一季節目中，
佢一直係「收視保障」。
所以，在第二季節目招商時
就早早定下佢
做新一季節目嘅發起人。
「綜藝常客」楊迪
一向係真人秀「萬金油」，
佢毫冇包袱嘅搞笑才華
可以隨時隨地為節目增加笑點。
早前，佢因為同
拍拖17年嘅對象分手
引起唔少爭議嘎，
雖然觀眾緣崩壞唔少，
但另一方面
也可以話係自帶話題。
而嘉賓陣容中新增嘅
魏大勛、尹正、張顏齊、
宋雨琦、周潔瓊等，
喺綜藝感方面個個都有自己特色。
當中，宋雨琦嘅加盟
令好多網友特別驚喜！
作為海外女團現役成員，
佢之前常年在海外活動。
2021年，
宋雨琦以常駐成員身份
加盟《奔跑吧5》，
外表元氣甜妹、
內里怪力少女，
綜藝感爆棚嘅佢
收穫咗好多觀眾嘅喜愛。
之後在《爆裂舞台》
《2060》等節目中，
佢又憑藉舞台實力圈粉無數。
去年一整年，
宋雨琦都專注女團活動，
甚少有國內的工作行程，
好多國內粉絲已經心掛掛，
所以，
今次佢喺國內參加綜藝節目，
令觀眾都好期待噶~
除咗嘉賓陣容「大換血」，
據說新一季節目模式
也迎來咗一輪大升級，
將新增不少有趣環節，
唔知有冇吸引到你咧？
資料來源：海報、劇照、微博
網絡信息綜合整理
編輯：陳祉伶
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）