由陳偉霆&王千源主演嘅
電影《暴風》
仲有一個星期就上線啦
最近各位主創都好積極營業
呢部電影係
以潛伏人員傳遞情報為主線
陳偉霆與王千源飾演一對兄弟
分別多年之後重逢
是敵亦友嘅身份
令佢兩個展開熱血沸騰的雙雄之戰
諜戰片大家可能睇得多
有靚仔出演嘅當然都唔少
而呢部電影特別嘅
就係有潮汕話版本嘅可以睇
事關呢部電影中嘅兩兄弟
角色設定係潮汕人嚟嘅
對話都係用潮汕話噶
為咗更貼近個角色
陳偉霆仲專登跟姐夫學咗一輪
地道嘅潮汕話添
同所有成年人學語言嘅方法一樣
偉霆話自己學得最掂嘅
就係唔出得街嘅粗口
連導演都為佢豎大拇指嘅程度
除咗呢啲「歪門邪道」嘅
語言能力之外
佢仲話自己跟住媽咪
學識咗用拖鞋打人
……
講潮汕粗口、打人……
呢啲技能聽落都唔多靚仔
所以喺最近嘅直播宣傳中
媒體問佢有咩可以solo嘅時候
陳偉霆就直言
呢啲嘢show出嚟嘅話
可能電影未上佢就被封號
咁……就唔好啦
陳偉霆嘅呢波操作
真係有啲real啦
//////////
陳偉霆近兩年都花咗好多時間
喺內地積累自己嘅人氣
有電視劇&綜藝嘅作品
但電影就真係相對少咗
舊年年底佢就翻香港
搭檔張家輝拍咗《爆裂點》
喺裡面變身白髮寸頭硬漢
電影未上線就已經熱度爆燈
而呢部《暴風》
就喺2021年的時候
於汕頭取景拍攝嘅
除咗佢同王千源之外
仲有尹正特別客串添
陣容咁把炮嘅電影
拍攝時嘅路透反而不多哦
符合曬部電影
講「秘密行動」嘅設定啦
依家電影就未正式上線嘅
每個人物具體嘅人設亦未公開
所以陳偉霆&王千源嘅正或邪
其實都未係好清晰嘅
從預告片中睇到
《暴風》中都不乏爆破、槍戰、
追逐呢類鏡頭
戰況都頗為激烈
唔知你又會唔會中意呢類
諜戰題材嘅電影咧
你又會唔會專登揀潮汕話
嘅版本嚟睇咧
MORE
今日娛樂看點
成龍嚟廣州過生日！
成龍大哥嚟廣州
出席《龍馬精神》嘅路演
尋日恰逢自己69歲嘅生日
喺活動現場仲收到咗好多蛋糕
同影迷happy過生日
蔡思貝帶傷做善事
蔡思貝最近出席健康跑活動
大家發現佢眼角有傷
原來係佢唔小心跌親撞到
不過睇完醫生就冇乜大礙
粉絲見到好心疼
貝貝真係要小心啲啊
《狂飆2》指日可待
《狂飆》嘅口碑勁好
最近佢嘅製作人透露
只要觀眾期待
《狂飆2》一定會再做
而且可能會做埋電影版添
網友希望： 用翻原班人馬就完美了
資料來源：豆瓣、微博
網絡信息綜合整理
編輯：郭瑋
審核：曾敏妍
簽發：駱苹
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信號：靚仔可樂君（handsomecolor）